Last Day @ CCHK

自問自答 Ｎ咁多題

記者：陳小三     被訪者：陳小二

三：話咁快就完左中七生涯，而家有咩感覺丫？
二：而家覺得幾好，多左好多自由時間，同埋唔使咁早起身先正，哈！

三：咁你果陣點解會入文理既？
二：其實文理係我既第五志願，果陣派到都有點驚喜，屋企人有問我轉唔轉第二間，但我果陣又懶係成熟咁諗，其實邊間學校都一樣架姐，所以就算有人話文理係Ｂａｎｄ３，我都決定入讀！

三：嘩，你真係好成熟ｗｏ（冷笑一聲），好，咁你對文理既第一個印象係咩丫？
二：覺得佢外型好特別，我成日都會因為讀緊間船型學校而自豪，因為我見親ｄ學校都無乜ｄｅｓｇｉｎ既感覺，好似一個個正方形咁。

三：咁你有無小學同學同你一齊入文理呢？
二：有，中一果陣好似少於十個，但大家都唔算好熟，不過到左中六就得番丫茄（我地小一第一日仲坐過隔離ｔｉｍ！）

三：呢七年入面，你最印象深刻係邊年？
二：其實我都無乜印象，哈哈哈（無奈的笑聲）
不過我記得中一中二就好似傻仔咁，好乖，成日好早番屋企睇至ＮＥＴ小人類ＸＤ
到左中三就開始好Ｄ，當然都有Ｄ唔開心，但我記得果陣放左學唔會番屋企住，會周街行或者食下下午茶，試過一次特登搭車入將軍澳影貼紙相，而家都唔知點解果陣鍾意著住校服周圍去。
中四中五都幾開心，中五小別完後，就番黎繼續中六中七，都算不過不失啦。

三：咁其實你係班入面係一個咩角色既同學呢？
二：可能係搗亂者掛，我都唔知。我諗我算係活躍分子，試過比人話我成日係學校跑黎跑去又跳黎跳去，但我自己又唔多覺。不過，講真，其實多講少少野就好輕易咁係我班突圍而出架啦。

三：你仲記唔記得有邊個老師做過你班主任？對佢地又有咩感覺呢？
二：中一就係雙班主任制，係施ＳＩＲ同ＭＩＳＳ曾，係一個幼老組合黎既。對ＭＩＳＳ曾無咩記憶喇，佢好似出現左好短暫，佢好似教電腦，而施ＳＩＲ呢，就，以前就唔多鍾意佢囉，佢退左休之後反而感覺好左。

中二中三就係ＭＩＳＳ鄭，成日比我地笑ＤＯＤＯ姐，佢係一個好玩得既ＭＩＳＳ，我成日覺得佢好事業型。特別記得有一次幫佢做完司儀，佢請我地去飲野仲傾左好耐計，同埋我覺得我係中三果年心態上都改變左好多，所以特別記得果年，亦對ＭＩＳＳ鄭有種特別既感覺。

中四中五既班主任係發發，好記得佢成日拎住把長木尺入黎，鍾意讀書重覆又重覆，其實都係想我地明白姐，我試過上佢堂訓教，佢會打我個頭－＿－！！我仲記得觀過佢個婚禮，繼ＭＩＳＳ利之後第二次去睇老師結婚，果次佢（難得？）好豪地比錢我地去食野，唔知做咩我仲拎埋個花球番屋企？？？？？？

中六中七就係林ＳＩＲ喇，佢係一個比好大自由度我地既老師，好明白事理，同我地食飯果陣都會同我地傾埋Ｄ無聊野，哈哈～林ＳＩＲ係一個好有獨特見解既老師，係佢身上都學到好多。

三：除左班主任之外，仲有Ｄ咩老師令你覺得好深刻？
二：司徙ＳＩＲ吧，佢教過中文（但唔記得一年定兩年），我記得有一次係佢堂上唔知咩事佢話比利是我，我以為佢講下啦，點知放完假真係比左封利是我，個利是仲好鬼靚，嘻！所以我好鍾意佢架，成日比好多機會我！

跟住就係李偉成老師，佢應該係見得我喊最多既老師，因為以為參加培苗成日眼淺得滯而喊，佢都見慣見熟，哈！！！

之後Ｄ輔導主任級同副校長級既仁兄都ＯＫ熟，佢地個個都好ＮＩＣＥ，好關心學生，最正既係，佢地好玩得架！！！！！！！！呵呵呵呵！！！！

另外就係舊校長喇，記得中三參加左個南京上海交流團，佢都有份去，之後就熟左，記得會考果陣佢都有打電話比我！

仲有仲有．．．

三：ＥＲ．．．你咁數我驚你數到聽朝，不如轉下話題，講下你參加過咩課外活動仲好啦！
二：中一果陣呢就比音樂老師呃左入去ＣＨＯＩＲ，之後參加左半年到就無玩ＬＵ～之後好似參加過戲劇學會，果陣去過佢個迎新就無野ＤＯ，真係失望死啦！其實我以前係中樂團黎ＴＩＭ，哈哈哈～我仲玩過ＣＹＣ，成日要去清理郊野公園，哈哈！又玩過社團啦，出去做探訪，成日都要開會架，果幾年可能係我做得最多義工既時候。之後就攝影學會，好似去過影芝同海豚～最多回憶梗係學生會啦！！

三：咁學生會有咩回憶呢？
二：由一開始組成同最後一個活動都好深刻，同埋見到個活動反應同效果好既時候就好有滿足感，自己最記得Ｘ’ＭＡＳ　ＢＡＬＬ，由ＰＬＡＮＮＩＮＧ到佈置等等全部都係我地十幾個人一手一腳做出黎，個反應又好好，所以特別記得。
仲有開放日，我地賣魚旦腸仔糯米池，超好賣，雖然果日大家都好忙，不過見個成績咁好都好開心！

三：你有無參加過咩校內／校外既活動呢？
二：當然有啦，其實我中三都幫過學生會，果陣第一次去Ｘ’ＭＡＳ　ＢＡＬＬ心情超緊張的，個個又玩都超ＨＩＧＨ，都幾難忘！仲有一定要講培苗，我覺得呢個活動已經係我人生中刻下一個好深刻既烙印（三：你唔好再誇張Ｄ！）
因為好多野都係第一次試，例如夜山、攀石、ＷＡＲ　ＧＡＭＥ等等，同埋同Ｄ中六導師好ＦＤ，個感覺真係好似一家人，我地仲要係第一屆既學員，所以真係好榮幸！！！！！
仲有香港２００啦，雖然中學時期都玩過唔少校外活動，但２００真係好強勁，我指Ｄ組員好強勁，唔係我－＿－！果９日廣州之旅真係好正，２００人一定係酒樓載歌載舞你試過未？

三：唔．．（準備轉話題）咁你對學校邊個地方最深刻呢？
二：最深刻真係無，度度都差唔多。
ＣＡＮＴＥＥＮ又唔算，只記得食過佢既雞脾、三文治、薯餅、麵、珍珠雞等等，佢仲曾經出過２蚊塊既薄餅，但梁生話係實驗性質，好快就無再出現過喇。以前去ＣＡＮＴＥＥＮ最多就快ＯＮ完ＤＵＴＹ之後落去食飯既時候，成日交換飯食，或者度度都挾幾舊咁。

三：咁你最唔鍾意上咩堂？
二：ＡＲＴ！本身應該係Ｄ　ＨＥＡ堂，係由於本人既美術程度太”高”既關係，往往需要比別人花費幾倍力量才能做出小學三年班的作品，印象中最高分係書法，因為交得多，所以低分都變高分！！

三：你最懷念咩堂呢？
二：ＰＥ，其實ＰＥ唔算咩特別，但一班人好似小學生咁係球場跑黎跑去種感覺，好鬼青春！
音樂，記得中六會學跳舞，而我地中六既班際仲唱兒歌ＴＩＭ！！
ＬＡＢ堂，其實本人幾鍾意做ＬＡＢ，係唔鍾意畫圖姐（我寧願寫ＲＥＰＯＲＴ－＿－，都係因為我美術水平問題）

三：哦，最後一條，你會點形容文理書院呢？
二：我諗文理比人既感覺係好壞、好多飛仔既學校，我唔知而家低ＦＯＲＭ變成點啦，但我形象中文理既學生唔壞，肉麻Ｄ講仲有Ｄ純。雖然我地學校無出過好叻既學生，但老師真係好盡心盡力咁教我地，好關心同學，真係可以打成一片！文理唔係大，但總係有一種人情味同親切既感覺。

三：好啦，多謝你接受訪問！
二：唔使客氣！話時話，做咩你個名同我個名咁似既？？？？？


多謝欣賞！！！！！！

!!PRE CHRISTMAS連環三激!!

第一激---青萃邊爐夜

我以串燒即食麵換左兩包聖誕套裝既曲奇番黎
我積極幫人夾餸成功比人一個會有家務的錯覺
其實最正既環節係散band食糖水果陣
FUNG講佢同佢GF既經歷,真係十級不可思議!!!
個劇情完美到好似係愛情小說入面既情節
咁完美既愛情,祝你地白頭到老>V<

第二激---學校聖誕PARTY

提供左個紫色性感眼罩FOR抽獎
比幸運既陳占士抽到~~
今年也是我在文理第一年在聖誕PARTY抽到禮物
非常幸運!!!!
之後玩左大風吹,爭CHAIR,耍盲雞
而話事啤亦都係一個高潮
有一個係最大咩住最細去訓導處報佳音,有一個要最大掩護最細落7A偷野食
不過玩私奔果陣發生左小小意外
所以大家都無乜心情玩LU
散BAND後我同清清CANCER落左去同新苗人影相
逗留至兩點就回家了


丫汗畫既聖誕咭,,美左哂~~~
話事啤ing
幸運兒試戴~~好性感~~!!!
爭CHAIR
耍盲雞,笑死左!!!!(註:玩家需戴性感眼罩~)
陳氏家族!
同MISS LIU拍照>V<

之後同新苗仔拍照...影左勁多無聊照,哈哈!!
無哂人既校園變左我地既攝影背景~















第三激---HK200E Christmas Party

原來以為一早準備哂食物,點知前一日先知原來6人組係食物部
原來以為真係有60人黎,點知驟眼睇似得40幾人
原來以為間屋好大,點知係好細-_____-"
原來以為間屋好易搵,原來發覺要行廿條樓梯先到
原來以為有好多遊戲,點知只係唱歌已經令到全班人HIGH哂

唔講咁多,即刻去片!!!

肥牛整的jelly糖,花心思地用左綠色整左個E字出黎>V<
2008 08E仝人
E組的交換聖誕咭環節,我地果張一定係三年最令的^V^

六人食飯組有好多搞作
首先係紅色既dress code

但由於eva小姐只帶聖誕老人的頸巾fu衍了事
我地有諗過逐佢出組!!!!!!
我地係勁到連不知我地有dress code既人都懷疑我地一早約定
可想而之,我地係幾咁紅!!

之後有六人的聖誕帽

但由於現場氣氛太high
我地都最後部分先記得帶..

仲有約定的交換禮物環節


大家的禮物都很GAG和有心思~
我抽到的是BONNIE小姐送出的心心EYE MASK
CANDY送出的是笑哈哈系列精品
EVA送出的是鴨形指甲鉗,個鴨咀仲可以裝左D指甲
CAROL送出的笑哈哈占卜球,結果我地玩左成晚
BONG送出的自製擦膠套裝
我送出的是薯條形電話,我地又係玩左成晚~嘻嘻,好有成功感!!

仲有好多野都証明我地6個的友誼有幾咁深厚~~哈哈~






特別呈獻
bonnie整的曲奇餅~多謝你>v<

仲有carol既鳥結糖澳門手信~thz!

最後祝大家MERRY X'MAS>V<!!